Songs

 

నవ రసాలలో ఏ అభినయాన్నైనా అత్యంత సున్నితత్వంతో మన కనులకు కనిపించినట్లు, వీనులకు వినిపించగలిగిన గొప్పతనం మన తెలుగు సాహిత్యంతో మాత్రమే సాధ్యం. అదీ మన భాషా పండితుల ప్రజ్ఞాపాటవాలు అమోఘం. అటువంటిదే అతి సున్నితమైన శృంగార భావాలతో తీర్చిదిద్దిన ఈ మధుర గీతం. ఈ గీత రచయిత అంత పేరున్న వ్యక్తి కాడు. అయినను ఆయన మస్తిష్కంలో జనించిన ఈ భావాలు ఎంతో హృద్యంగా మనలను ఆకట్టుకొంటాయి. ఈ పాటలో పూలను ఎన్ని రకాల పేర్లతో పిలవచ్చో మనకు తెలుస్తుంది.


చిత్రం: కథానాయకురాలు

సంగీతం: విజయ రత్నం

సాహిత్యం: ఆకుల అప్పల రాజ్

గానం: ఎస్.పి. బాలసుబ్రహ్మణ్యం, పి. సుశీల

 


పల్లవి:

తనువ.. హరిచందనమే..
పలుకా..ఉహు.. అది మకరందమే

తనువా... ఉహు.. హరిచందనమే..
పలుకా.. ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

తనువా...ఉహు.. హరిచందనమే..
పలుకా..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

తనువా హరిచందనమే..

చరణం 1:

నీ సోయగాలు కనుసైగ చేసే.. అనురాగ లతలు బంధాలు వేసే
ఉహు .. హు .. ఓహో
నీ సోయగాలు కనుసైగ చేసే.. అనురాగ లతలు బంధాలు వేసే

హరివిల్లునై ఈ విరి బాణమే
హరివిల్లునై ఈ విరి బాణమే
గురి చూసి హృదయాన విసిరేయనా.. నిను చేరనా.. మురిపించనా..

తనువా...ఉహు.. హరిచందనమే..
పలుకా..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

చరణం 2:

నీకోసమే ఈ నవ పారిజాతం .. విరబూసి నీముందు నిలచిందిలే...
ఆ...ఆ...ఆ...
నీకోసమే ఈ నవ పారిజాతం .. విరబూసి నీముందు నిలచిందిలే
మధుపాయినై మరులూరించనా
మధుపాయినై మరులూరించనా
ఉయ్యాల జంపాల ఊగించనా.. లాలించనా.. పాలించనా

తనువా ...ఉహు.. హరిచందనమే..
పలుకా ..ఉహు.. అది మకరందమే..
కుసుమాలు తాకగనే.. నలిగేను కాదా ఈ మేను
నలిగేను కాదా నీ మేను

 

 

divider

 

ఈ శీర్షిక గురించి మీ అభిప్రాయాలను మాతో పంచుకోవచ్చును. ఎడిటర్@సిరిమల్లె.కాం ద్వారా మాకు ఇ-మెయిల్ చేయండి.

సంపాదకులు: మధు బుడమగుంట, ఉమ బుడమగుంట (కాలిఫోర్నియా, యు.ఎస్.ఎ.)

చెప్పేవాడూ, వినేవాడూ ఉన్నచోటే సంపదలు విహరిస్తాయి – విక్రమార్కచరితం