Kadambam Title

Post a Comment



నేను కవినా? ఎందుకలా పిలుస్తావ్?
ఏదో శ్లేష మెలిపెట్టినట్లున్నావ్!!
నేస్తమా! క ఖ గ ఘ లు తప్ప కందం, గ్రంథo గుర్తు లేదు.
ఛందస్సు అంటే చందనం పూసిన ఉషస్సు అనుకొంటాను.
ఉత్పలమాల అంటే భ, ర, న, భ, భ, ర, వ లకు బదులు
బడుగుజీవుల బతుకునాడి తగిలి బాధిస్తుంది.
అంత్యప్రాసల ఆనవాళ్ళను ఆద్యంతం పరికించలేను
చూడబోతే అనంతమైన విశ్వం గోచరిస్తోంది.
ఆటవెలది లోని అక్షరక్రమాల ఆకృతిని అభినందిద్దామంటే
ఆటపాటల ఆరోగ్యసూత్రం తప్ప
యతి స్థానాలు ఎఱుక పడవు
యతి అనగానే చేతులు భక్తితో పైకి లేస్తాయి.
పై ఎత్తులోనే యతిస్థలం నిలవాలన్న భావం, ఆటవెలదుల్లో వెదుకనీయదు.
సంధులు అంటే జీవనసంధులు గుర్తొస్తాయి..
హ్రస్వ, దీర్ఘాల, పూర్వ, ఉత్తర పదాల సందర్భ స్పృహతొంగిచూడదు..
యుద్ధ కాముక దేశాల్లో సంధి కుదిరిస్తే ఎంత బాగుంటుందన్న పేరాశ!
విశ్వమానవాళి సుఖ సంతోషాలపై అనంత ఆశ!
వైరి సమాస వైఖరుల వైపు కనుచూపు తిరుగనివ్వదు
సఖ్యతా భావం కవిత్వమైతే నేను కవినే..
కాదంటే సెలయేటి అలలమీద స్వేచ్ఛగా రెక్కల్లారుపుకొనే కవినే!
(*కవి అంటే రెండు అర్థాలు.. కవిత్వం రాసేవాడు, నీటికొంగ)

 

divider

 

కామెంట్స్ పోస్ట్ చేయుటకు సూచనలు

మొదటగా, “Start the discussion…” అని వున్న బాక్స్ మీద క్లిక్ చేయండి. మీరు రాయదలచుకున్న కామెంట్ రాయండి. తరువాత, “Name” అని రాసి వున్న బాక్స్ మీద క్లిక్ చేయండి. అప్పుడు మీకు “I'd rather post as a guest” అనే బాక్స్ కనబడుతుంది. దాన్ని క్లిక్ చేస్తే... మీరు ఏ విధమైన login అవసరం లేకుండా, కామెంట్ పోస్ట్ చేయవచ్చు! మీకు ఏ విధమైన ఇబ్బంది కలిగినా లేదా ఏదైనా సందేహాలున్నా, మాకు editor@sirimalle.com ద్వారా తెలియజేయండి.


ఆశ లేని వాడికి అడవైనా ఇల్లైనా ఒకటే – బాలరామాయణం

ఈ శీర్షిక గురించి మీ అభిప్రాయాలను మాతో పంచుకోవచ్చును. ఎడిటర్@సిరిమల్లె.కాం ద్వారా మాకు ఇ-మెయిల్ చేయండి.

సంపాదకులు: మధు బుడమగుంట, ఉమ బుడమగుంట (కాలిఫోర్నియా, యు.ఎస్.ఎ.)