Songs

Post a Comment


శ్రీ కృష్ణునికి యశోద కన్న తల్లి కాకున్ననూ ఎంతో ప్రేమగా పెంచి పెద్దచేసింది. అలాగే మన సమాజంలో కూడా ఎంతో మంది తల్లులు తమకు పుట్టిన పిల్లలతో పాటు, దత్తత కూడా తీసుకొని పెంచుకోవడం చేస్తుంటారు. మాతృత్వం అంటే కేవలం పేగు పంచుకొని పుట్టిన పిల్లలతోనే కాదు పెంచి పోషించి ప్రేమను పంచిన వారి వల్ల కూడా లభిస్తుంది అని కొత్త అర్థం చెప్పిన ఈ పాట దానవీర శూర కర్ణ చిత్రంలోనిది. కర్ణుడు కుంతీదేవికి సూర్యుని వరం వలన జన్మించినను, తనను పెంచి పెద్దచేసినది రాధ అందుకే అతడు రాధేయుడు అని కూడా పిలువబడ్డాడు. అతిరథుడు మరియు అతని భార్య రాధ పాత్రలతో చిత్రీకరించిన ఈ పాట ఇప్పుడు మీకోసం.


చిత్రం: దాన వీర శూర కర్ణ (1977)

సంగీతం: పెండ్యాల

గేయ రచయిత: డా. సి. నారాయణ రెడ్డి

గానం: సుశీల


పల్లవి:

ఏ తల్లి నిను కన్నదో... నేను నీ తల్లినైనానురా.. ఆ.. ఆ..
నీ తల్లినైనానురా...
నా వరాల తొలిపంటగా... ఆ.. ఆ.. ఆ..
నా వరాల తొలిపంటగా... నీవు నా ఇంట వెలశావురా
నా ఇంట వెలశావురా ...
ఏ తల్లి నిను కన్నదో... నేను నీ తల్లినైనానురా.. ఆ.. ఆ..
నీ తల్లినైనానురా...

చరణం 1:

లలితలలితజల లహరుల ఊయలలూగినావు... అలనాడే
తరుణతరుణ రవి కిరణ పధంబుల... సాగినావు తొలినాడే
అజస్త్ర సహస్ర నిజ ప్రభలతో అజేయుడవు కావలెరా...
నీ శౌర్యము గని వీర కర్ణుడని...
నీ శౌర్యము గని వీర కర్ణుడని...  నిఖిల జగంబులు వినుతించవలెరా

చరణం 2:

మచ్చ ఎరుంగని శీల సంపదకు స్వఛ్ఛమైన ప్రతిరూపమై
బలిశిభిదధీచి వదాన్యవరులను తలదన్ను మహాదాతవై...
అడిగినదానికి లేదన్నది ఏనాడు నీ నోట రానిదై...
నీ నామము విని దాన కర్ణుడని...
నీ నామము విని దాన కర్ణుడని... యుగయుగాలు నిను స్మరియించవలెరా

 

divider

 

కామెంట్స్ పోస్ట్ చేయుటకు సూచనలు

మొదటగా, “Start the discussion…” అని వున్న బాక్స్ మీద క్లిక్ చేయండి. మీరు రాయదలచుకున్న కామెంట్ రాయండి. తరువాత, “Name” అని రాసి వున్న బాక్స్ మీద క్లిక్ చేయండి. అప్పుడు మీకు “I'd rather post as a guest” అనే బాక్స్ కనబడుతుంది. దాన్ని క్లిక్ చేస్తే... మీరు ఏ విధమైన login అవసరం లేకుండా, కామెంట్ పోస్ట్ చేయవచ్చు! మీకు ఏ విధమైన ఇబ్బంది కలిగినా లేదా ఏదైనా సందేహాలున్నా, మాకు editor@sirimalle.com ద్వారా తెలియజేయండి.


ఆశ లేని వాడికి అడవైనా ఇల్లైనా ఒకటే – బాలరామాయణం

ఈ శీర్షిక గురించి మీ అభిప్రాయాలను మాతో పంచుకోవచ్చును. ఎడిటర్@సిరిమల్లె.కాం ద్వారా మాకు ఇ-మెయిల్ చేయండి.

సంపాదకులు: మధు బుడమగుంట, ఉమ బుడమగుంట (కాలిఫోర్నియా, యు.ఎస్.ఎ.)