Pakshula Prapancham

Post a Comment


గత సంచిక తరువాయి »

లకుముకి పిట్టలు

King Fisher

లకుముకి పిట్ట
లడాయిలేనీ
బడాయిపిట్ట !
రంగులపిట్ట
దుర్భిణి దృష్టీ-
దూరపుచూపు,
లకుముకి పిట్ట,
చిటికెడి పిట్ట

ఇవి అందమైన రంగుల పక్షులు. అనేక సైజుల్లో ఉన్న ఈ సమూహాన్ని 'ఆల్సెడినిడె' అనే ఒకే ఒక కుటుంబంగానూ, మూడు ఉప కుటుంబాలుగనూ చెప్తారు. ఆల్సెడినిడె అనే నదీ కింగ్ ఫిషర్లు, హల్క్యోనిడె అనే చెట్టు కింగ్ ఫిషర్లు, సెరిలిడె అనే నీటి కింగ్ ఫిషర్లు అని మూడు కుటుంబాలుగా ఉన్నట్లు తెలుస్తున్నది. సుమారుగా 90 కింగ్ఫిషర్ జాతులు ఉన్నాయి.

వీటికి పెద్ద తలలు, పొడవాటి, సూదివంటి ముక్కులు, పొట్టి కాళ్ళు, పొట్టిగా మందంగా ఉన్నతోకలతో చిత్రంగా ఉంటాయి. చాలా జాతుల పక్షులు అందంగా ఉండే ఆకర్షణీయమైన రెక్కలతో ఉంటాయి. చాలా జాతి పక్షులు ఉష్ణమండలాలలో కొన్ని అడవులలో నివసిస్తుంటాయి. ఇవి చేపలను వేటాడి తింటాయి, చెట్టుకొమ్మలమీద ఉంటూ క్రిందకు వచ్చి చేపలను పట్టుకుని తీసుకువెళ్ళి తింటుంటాయి. కొన్ని చెట్లమీద ఉండే చిన్న బల్లుల వంటివాటిని కూడా తింటుంటాయి. ఇవి గూళ్ళను కొండలలోని బెజ్జాలలో కట్టుకుంటాయి.

ఈ మూడు కుటుంబాల గురించిన వర్గీకరణ చాలా కష్టమైనది. వివాదస్పదమైనది కూడా. కేవలం ఇది కింగ్ ఫిషర్ అనే పక్షి గురించి మనం చెప్పుకోడం గనుక పూర్తి స్థాయి, వివరణ ఇవ్వడంలేదు. [సృష్టిలోని జీవ జంతువుల గురించిన అద్భుతాల గురించి తెల్సుకునేందుకే ఈ వ్యాసాలు పరిమితమని మనవి].
మూడు కుటుంబాలలోని కింగ్ ఫిషర్ లు అమెరికాలో, ఫిజీలో, ఆస్ట్రేలియాలో, పసిఫిక్ మహా సముద్రం తూర్పు మరియు దక్షిణంలో ఆఫ్రికా నుండి దక్షిణ పసిఫిక్ లోని టాంగా వరకూ... ఇలా విశ్వ వ్యాప్తిని కలిగి ఉన్నాయి. చాలా జాతులు నశించిపోయినట్లు తెలుస్తున్నది.
ఫిజీలోని కాలర్డ్ కింగ్‌ఫిషర్ జాతులు ఆఫ్రికా నుండి దక్షిణ పసిఫిక్ లోని టాంగా వరకూ విస్తరించి ఉన్నాయి.

King Fisher Bird

[ఆఫ్రికా నుండి దక్షిణ పసిఫిక్ లోని టాంగా వరకూ విస్తరించి ఉన్నఫిజీలోని కాలర్డ్ కింగ్‌ఫిషర్.]

King Fisher Bird

[పొడవాటి తోకల న్యూగెనియో లోని ప్యారడైజ్ కింగ్‌ఫిషర్లు]

న్యూ గెనియో యొక్క ప్యారడైజ్ కింగ్‌ఫిషర్లు చిత్రంగా పొడవాటి తోకలతో ఉంటాయి. ఆంగ్లంలో కింగ్ ఫిషర్ అంటే ఆంధ్రంలో టిట్టిభము అంటారు. కింగ్‌ఫిషర్లు తరచుగా చేపలు లభించేప్రాంతాల్లో నివాసాలు ఏర్పర్చుకుని ఉంటాయి, చాలా జాతులు ఇతర ఆహారాన్ని వేటాడి తింటాయి.

*** సశేషం ***

కామెంట్స్ పోస్ట్ చేయుటకు సూచనలు

మొదటగా, “Start the discussion…” అని వున్న బాక్స్ మీద క్లిక్ చేయండి. మీరు రాయదలచుకున్న కామెంట్ రాయండి. తరువాత, “Name” అని రాసి వున్న బాక్స్ మీద క్లిక్ చేయండి. అప్పుడు మీకు “I'd rather post as a guest” అనే బాక్స్ కనబడుతుంది. దాన్ని క్లిక్ చేస్తే... మీరు ఏ విధమైన login అవసరం లేకుండా, కామెంట్ పోస్ట్ చేయవచ్చు! మీకు ఏ విధమైన ఇబ్బంది కలిగినా లేదా ఏదైనా సందేహాలున్నా, మాకు editor@sirimalle.com ద్వారా తెలియజేయండి.


ఆశ లేని వాడికి అడవైనా ఇల్లైనా ఒకటే – బాలరామాయణం

ఈ శీర్షిక గురించి మీ అభిప్రాయాలను మాతో పంచుకోవచ్చును. ఎడిటర్@సిరిమల్లె.కాం ద్వారా మాకు ఇ-మెయిల్ చేయండి.

సంపాదకులు: మధు బుడమగుంట, ఉమ బుడమగుంట (కాలిఫోర్నియా, యు.ఎస్.ఎ.)